ఈ చెట్లు నడుస్తాయి! ఎందుకో చూడండి.

అమెజాన్ అడవి అనేక అద్భుతాలను తనలో దాచుకుని ఉంది. ఇది ప్రపంచంలోని అతి పెద్ద వర్షారణ్యాల్లో ఒకటి. ఇక్కడ సహజసిద్ధమైన ప్రకృతితో పాటు ఎన్నో రహస్యాలు, ఎన్నో వింతలు దాగి ఉన్నాయి. సాధారణంగా చెట్లు అవి పుట్టిన చోటే ఉంటాయి. కానీ, ఈ అమెజాన్‌ అడవిలో ఉండే కొన్ని చెట్లు ఒక ప్రాంతం నుంచి మరొక ప్రాంతానికి ప్రయాణిస్తాయి. 

వినడానికి ఆశ్చర్యంగా ఉంది కదా. కానీ, ఇది నిజం. అమెజాన్ అడవుల్లో పెరిగే  ‘సోక్రటీయా ఎక్సోరిజా’ అరుదైన చెట్లు ప్రతిరోజు కొన్ని మీటర్ల దూరం నడుస్తాయట.  ఈ చెట్టు చూసేందుకు చాలా విచిత్రంగా ఉంటుంది. 

సాధారణ చెట్టు వేర్లు భూమిలో ఉంటాయి. కానీ, ఈ చెట్టు వేర్లు మాత్రం నేలపైకి పెరిగి కనిపిస్తాయి. అంతేకాదు ఆ వేర్లతోనే కొంతదూరం నడచుకుంటూ వెళ్తాయి. 

ఈ చెట్లు ఎందుకు కదులుతాయి అనే విషయం శాస్త్రవేత్తలకే ఇప్పటికీ ఓ మిస్టరీగానే ఉంది. అయితే, శాస్త్రవేత్తల అభిప్రాయం ప్రకారం.. ఈ చెట్లు కదలడానికి ప్రధాన కారణం.. సూర్యకాంతిని అందుకునే అవకాశం. అమెజాన్ అడవి అంత సాంద్రంగా ఉండటంతో, చెట్లపై సూర్యరశ్మి తక్కువగా పడుతుంది. చెట్లు తమ జీవన ప్రక్రియ కొనసాగించేందుకు ఫోటోసింథసిస్ అనే ప్రక్రియ ద్వారా కాంతిని ఉపయోగించుకోవాలి. కానీ, సోక్రటీయా ఎక్సోరిజా చెట్లు చిన్నగా ఉండటం వల్ల వాటికి సరైన సూర్యరశ్మి పడదు. అందుకే అధికంగా సౌరశక్తిని పొందేందుకు ఈ చెట్టు నెమ్మదిగా అక్కడి నుంచి వెలుతురును ఎక్కువగా పొందగలదో ఆ దిశగా కదిలేందుకు ప్రయత్నిస్తుంది.

ఈ చెట్టు కదిలే విధానం పట్ల పరిశోధకుల అభిప్రాయాలు విభిన్నంగా ఉన్నాయి. కొందరు శాస్త్రవేత్తల అభిప్రాయం ప్రకారం.. ఇవి నిజంగా కదిలే చెట్లే కావచ్చు అంటున్నారు. కానీ,  మరికొందరు ఈ ప్రక్రియను వీటిని కదిలే చెట్లుగా పరిగణించకూడదని అంటున్నారు. ఎందుకంటే, ఈ చెట్లు చాలా తక్కువ వేగంతో కదులుతాయి. మనం గమనించలేనంత నెమ్మదిగా ఈ ప్రక్రియ సాగుతుంది. అయితే, ప్రకృతిలో ఇలాంటి విశేషాలు కనిపించడం మానవ మేధస్సును ఆశ్చర్యపరిచే అంశమే.

అమెజాన్ అడవి స్వభావం వల్ల ఇక్కడి భూమి తరచుగా మారుతూ ఉంటుంది. కొన్ని ప్రాంతాల్లో భూమి కుంగిపోవచ్చు, మరికొన్ని చోట్ల వరదలు రావచ్చు. ఇలాంటి పరిస్థితుల్లో చెట్టు తన జీవనోపాధిని కాపాడుకోవడానికి అటు ఇటు కదిలే అవసరం వస్తుంది. కొన్ని పరిశోధనలు చెబుతున్న దాని ప్రకారం, ఈ చెట్లు 20 మీటర్ల దూరం వరకు కొన్ని సంవత్సరాల్లో కదిలే అవకాశముందని తేలింది. అయితే, ఈ విషయంపై ఇంకా స్పష్టమైన పరిశోధనలు జరుగుతూనే ఉన్నాయి.

కేవలం అమెజాన్ అడవిలో మాత్రమే ఈ రకమైన చెట్లు ఉన్నాయా? లేదా, ప్రపంచంలో మరెక్కడైనా ఇలాంటి చెట్లు ఉన్నాయా? అనే ప్రశ్న చాలామందిని ఆలోచనలో పడేస్తుంది. ప్రస్తుతం ఉన్న పరిశోధనల ప్రకారం, ఈ రకమైన కదిలే చెట్లు ప్రధానంగా అమెజాన్ అడవిలో మాత్రమే కనిపిస్తున్నాయి. అయితే, ప్రకృతి ఎప్పుడూ మానవ జ్ఞానాన్ని దాటి ఆశ్చర్యపరిచే విధంగా ఉంటుంది కాబట్టి, భవిష్యత్తులో మరిన్ని రహస్యాలు బయటపడే అవకాశముంది.

ఈ చెట్ల గురించి స్థానిక గిరిజన తెగల వారు కూడా కొన్ని ఆసక్తికరమైన కథలను చెప్పుకుంటారు. వారి అభిప్రాయం ప్రకారం.. సోక్రటీయా ఎక్సోరిజా చెట్లు స్వతంత్రంగా కదలడానికి ఒక రహస్య శక్తిని ఉపయోగిస్తాయట. కొన్ని కథల ప్రకారం.. అరణ్య దేవతలు ఈ చెట్లను కదిలిస్తూ ఉంటారని కూడా అంటారు. ఇవన్నీ నమ్మకాలను బట్టి మారతాయి కానీ, శాస్త్రీయంగా చూస్తే ఇవి కేవలం ప్రకృతి స్వభావమే.

నడిచే చెట్లు ఇప్పటికీ పరిశోధనలకు ప్రధాన విషయం. ప్రకృతిలో ఇలాంటి విశేషాలు మనందరినీ ఆశ్చర్యపరుస్తాయి. భవిష్యత్తులో ఈ నడిచే చెట్ల రహస్యం ఇంకా ఎన్ని కొత్త విషయాలను బయటపెడుతుందో వేచి చూడాలి!

మరి ఈ నడిచే చెట్ల గురించి మీరేమనుకుంటున్నారో కామెంట్ చేయండి.