అఘోరిలు పెళ్లి చేసుకోవచ్చా? అఘోరిలు చెబుతున్న మాటలు ఇవే

ఇటీవలకాలంలో లోక కళ్యాణం, సనాతన ధర్మం పరిరక్షణ పేరుతో తిరుగుతూ.. హల్ చల్ చేస్తున్న అఘోరీ పెళ్లి అనే అంశం ఇప్పుడు సంచలనంగా మారింది. తాజాగా అఘోరి మరో సారి వార్తల్లో నిలిచారు. మొత్తానికి అఘోరి , వర్షిణి వివాహం చేసుకుంటున్న వీడియో నెట్టింట వైరల్ గా మారింది. గత కొన్ని రోజులు కిందట నాగసాధు ఏం చెప్పారో అదే ప్రస్తుతం జరగడంతో పలువురు ఆశ్చర్యానికి గురవుతున్నారు.  అసలు అఘోరిలు పెళ్లి చేసుకోవచ్చా? అసలు వారి జీవన విధానం ఎలా ఉంటుందనేది ఇప్పుడు తెలుసుకుందాం.  

అసలు అఘోరీలు మనిషి జీవితంలో మనం సాధారణంగా చూడలేని, భయంకరమైన వ్యక్తులు.  వీరు ఎక్కువగా హిమాలయాల్లో లేదా శవాల మధ్య జీవిస్తుంటారు. వారి జీవనశైలి మనకు చాలా భిన్నంగా కనిపిస్తుంటుంది. వారి ధ్యానం, భక్తి, ఆధ్యాత్మిక స్థితి మాత్రమే ఉన్నతమైన జీవన స్థాయికి నడిపిస్తాయి. సాధారణంగా అఘోరీల ప్రేమకు సంబంధించిన ఎలాంటి భావనలు లేదా ఎలాంటి వ్యక్తిగత సంబంధాలు ఉండవు. పెళ్లి ఒక నియమం, సమాజంలో చోటుచేసుకున్న బంధాలు. కానీ అఘోరులు ఈ వివాహ బంధాలకు దూరంగా, తాత్కాలికమైన సమాజం నుంచి విడిపోయి, శివనామస్మరణ చేస్తూ జీవిస్తుంటారు. వారికి ఎటువంటి వ్యక్తిగత ఆలోచనలు, కోరికలు ఉండవు. 

అదే వారి వాస్తవికత. ఎటువంటి తీవ్రమైన పరిస్థితులు ఏర్పడినా.. అంటే చలిలో చెప్పులు లేకుండా, ఎండలో నగ్నంగా, తక్కువ ఆహారం తీసుకుంటూ, నేలపైనే నిద్రపోతారు. సాధారణంగా అఘోరాలు.. జన జీవనంలోకి రారు. పబ్లిసిటీ కోరుకోరు. భౌతిక సుఖాలను పూర్తిగా వదిలేస్తారు. అఘోరాలు వామాచార పద్దతిని నమ్ముతారు. వామాచార పద్దతి అంటే మంత్రాలు, తంత్రాలు.. దశమహావిద్యలు, క్షుద్రం కూడా నేర్చుకుంటారు. భూమ్మీద ఉన్న ప్రతిదానిని మోక్షాన్ని పొందే సాధనంగా చూస్తారు అఘోరీలు. మోక్షం కోసం వీళ్లు చేసే తంత్ర ప్రక్రియలు చాలా ఆశ్చర్యంగానూ.. భయానకంగానూ ఉంటాయి. అఘోరాలు దత్తాత్రేయుడిని, శివుడిని, అగ్నిని, కాలభైరవుడిని పూజిస్తారు.

అయితే, ఈ మధ్య కాలంలో కొందరు అఘోరులు తమ జీవితాల్లో ప్రేమను అంగీకరించినట్లు చెబుతున్నారు. అలాంటి వారు అసలు అఘోరీలే కాదని ఆధ్యాత్మిక వ్యక్తులు చెబుతున్నారు. ఆధ్యాత్మిక గమ్యాన్ని సాధించాలి అనుకుంటే, ప్రేమ అనే భావన కూడా ఒక ఆధ్యాత్మిక భాగమే కావచ్చు. అలాంటి వ్యక్తులు తమ శాశ్వత శక్తిని గ్రహించడంలో, మరొక వ్యక్తితో పరస్పర సంబంధాన్ని అంగీకరించడాన్ని కూడా ఆధ్యాత్మిక జీవన భాగంగా భావించవచ్చు. కానీ ఇది అనేక సందర్భాలలో చాలా భిన్నంగా ఉంటుంది. 

 

కొంతమంది అఘోరీలు తమ జీవితంలో ఒక దశలో వివాహం చేసుకుంటారు. అది కూడా వాళ్లు అఘోరిగా మారక ముందు మాత్రమే.  ఒక వేళ అఘోరీగా మారాలనుకుంటే వివాహం చేసుకున్న తరువాత ఈ మార్గాన్ని స్వీకరించి, సంసారాన్ని వదిలివేయవచ్చు. అఘోరీలు జీవితాన్ని ఒక ప్రయోగంగా చూస్తారు, కాబట్టి వారి వ్యక్తిగత ఎంపికలు వారి గురువు బోధనలు, ఆధ్యాత్మిక లక్ష్యాలు, లేదా జీవన పరిస్థితులపై ఆధారపడి ఉంటాయి. అయితే, ఇటువంటి పెళ్లి చేసుకునే సందర్భాలు మాత్రం చాలా అరుదు.

ఈ ప్రశ్న మనం మన ప్రస్తుత జీవన శైలిని ఎంచుకునే దిశగా కొన్ని క్షణాలను గమనించుకునేలా చేస్తుంది. మనం బంధాలను ఎలా నిర్వచించుకుంటున్నామో, పెళ్లిని ఎలా అంగీకరిస్తున్నామో, మన ఆధ్యాత్మికత ఎలా ప్రభావితం చేస్తుందో అన్ని అంశాలు దానిలో భాగంగా నిలుస్తాయి. అఘోరిల జీవన విధానంలో ప్రేమను, సంబంధాలను పూర్వప్రేమతో లేదా ఆధ్యాత్మికంగా అంగీకరించినట్లయితే అది మరొక దృష్టికోణంగా తీసుకోవచ్చు.